Сарысу аудандық орталық ауруханасында шеберлік сағаты өтті

Тәжірибе алмасу – медицина сапасын арттырудың кепілі.

Сарысу аудандық орталық ауруханасының базасында жоғары білікті мамандардың қатысуымен гинекология саласы бойынша маңызды мастер-класс ұйымдастырылды.

Іс-шара барысында Жамбыл облыстық көпбейінді ауруханасының (ЖОМБ) тәжірибелі гинеколог-хирургтары:

👨‍⚕️ Халыков Султан Мураткалиевич

👩‍⚕️ Асильбекова Эльвира Талғатқызы жергілікті мамандармен бірлесе отырып, күрделі хирургиялық оталарды сәтті өткізді.

Мастер-класс аясында келесі ота түрлері жасалды:

Қынап пластикасы (вагинопластика) – әйелдердің өмір сүру сапасын жақсартуға бағытталған реконструктивті-пластикалық ота;

Жатырды қосалқыларымен экстирпациялау – гинекологиядағы күрделі әрі жоғары дәлдікті талап ететін хирургиялық араласу.

"Мұндай іс-шаралардың мақсаты — өңірдегі медициналық көмектің деңгейін көтеру және аудан тұрғындарына облыс орталығына бармай-ақ, өз ауруханасында жоғары технологиялық ем алуға мүмкіндік жасау."

Біздің мамандардың кәсіби біліктілігін арттыруға атсалысқан әріптестерімізге алғыс білдіреміз. Пациенттеріміздің денсаулығы — біздің басты құндылығымыз!