«Бірінші сыныпқа – бірінші рет» Мектепке жол акциясы аясында Сарысу аудандық орталық ауруханасының бас дәрігері А.Т.Каликованың бастамасымен, кәсіподақ төрайымы К.И.Коренованың қатысуымен аурухана қызметкерлерінің бірінші сыныпқа қадам басқалы отқан бүлдіршіндеріне салтанатты жиын өтті.

Айнұр Тұяқбайқызы жаңа оқу жылының басталуымен құттықтап, мектеп табалдырығын алғаш рет аттағалы отырған бүлдіршіндерге “ақ жол” тіледі. «Мектепке жол» акция аясында мектеп сөмкелері мен кеңсе заттары табысталып, ертегілер кейіпкерлері өнер көрсетіп, тәтті балмұздақтар таратылды. Жиын соңында ата-аналар аурухана басшылығына ризашылығын білдірді.